FEMEN շարժման ակտիվիստուհիներն այս անգամ բողոքի ակցիա են անցկացրել Փարիզում` Ժաննա դ’Արկին նվիրված հուշարձանի մոտ: Այս անգամ նրանք մերկացրել են իրենց կրծքերն ընդդեմ նոր նացիստների: Աղջիկներին հաջողվել է գաղտնի կերպով ներթափանցել Régina հյուրանոցի ձեղնահարկ, որտեղից նրանք ծածանել են Sextermination for Nazism` «Սեքսը կոչնչացնի ազգայնականությունը» գրությամբ բաները: Աղջիկներին վայր իջեցնելու համար տեղի իշխանությունները ստիպված են եղել հատուկ տեխնիկա օգտագործել: Օգնության հասած հրշեջներն աղջիկներին իջեցրել են, հանձնել ֆրանսիական ոստիկանների ձեռքը` սափրագլուխ ազգայնականների` «այրել FEMEN-ին» բացականչությունների ուղեկցությամբ: