ՖԻՖԱ-ի կարգապահական կոմիտեի անդամ Կլաուդիո Սուլսերը հայտարարել էր, որ անգլիական Լիվերպուլի հարձակվող Լուիս Սուարեսին թույլատրվում է մարզվել որակազրկման ընթացքում:
Ուրուգվայցին որակազրկվել էր ԱԱ 2014-ի խմբային փուլի Իտալիայի հետ խաղում Ջորջո Կյելինիին կծելու համար: Որակազրկումը տևելու էր 4 ամիս.
-Սուարեսին թույլատրվում է մարզվել որակազրկված ամիսների ընթացքում: Իհարկե, չի կարելի ֆուտբոլիստին արգելել մարզվել, քանի որ այդպես նա կարող է կործանել ողջ կարիերան,- նշել է Սուլսերը:
Ավելի ուշ հայտնի դարձավ, որ ՖԻՖԱ-ն հերքել է տարածված հայտարարությունը և արգելում Սուարեսին նույնիսկ մարզվել: Ուրուգվայցին միայն իրավունք կունենա բուժզննում անցնել՝ տրանսֆերի իրականացման համար:
Հավելենք, որ Ուրուգվայի ֆուտբոլի ֆեդերացիան արդեն դիմել է ՖԻՖԱ-ին՝ որոշումը բողոքարկելով:
Footballcity.am
