hraparak.am-ը գրում է, որ կայքի տեղեկություններով՝ օրերս կողոպտել են Ազգային ժողովի ՀՀԿ խմբակցության պատգամավոր, գործարար Գարեգին Նուշիկյանին: Իրավապահ համակարգի աղբյուրները հայտնեցին, որ Սայաթ Նովայի վրա գտնվող «Նուշիկյան» ասոցիացիայի գրասենյակից գումար են տարել:
Երեկ աշխատակիցները գրասենյակի դուռը հայտնաբերել են բաց, հավանաբար կողոպուտը եղել է գիշերը: Կայքը փորձել է այս տեղեկությունը ճշտել հենց Գարեգին Նուշիկյանից, սակայն վերջինս զարմանալիորեն հերքեց այն՝ ասելով, թե «ինձնից բան չեն գողացել»:
Ի դեպ, այսօր էլ ավազակային հարձակում էին իրականացրել հայտնի գործարար, «Շանթի Յուրա» մականվամբ Յուրա Ղարիբյանի տան վրա: Փաստորեն՝ հանցագործների համար նորից թիրախ են դարձել գործարարները:
Նյութը՝ սկզբնաղբյուր կայքում
