ՀՀ երրորդ նախագահ Սերժ Սարգսյանը ուղերձ է հղել տոների առթիվ․
«Առաջին հերթին, մեզ բոլորիս՝ խոհեմություն ու նորից տրամաբանություն․
Մարդկանց և իրադարձությունների մասին դատենք ոչ միայն մեր լսածով, այլ նաև տեսածով. մարդկանց դատենք՝ ելնելով իրենց գործերից․
Դադարենք հոռետեսությամբ և վախերով համակված թաղել մեր ազգային ոգին ու արժանապատվությունը․
Հավատա՛նք մեր ՈՒԺԵՐԻՆ, հավատա՛նք ՀԱՋՈՂՈՒԹՅԱՆԸ, հավատա՛նք ՀԱՂԹԱՆԱԿԻՆ․
Արժանի լինենք մեր նահատակների հիշատակին»,- գրել է Սերժ Սարգսյանը:
Հավելենք, որ ՀՀ երրորդ նախագահ Սերժ Սարգսյանի անունից այսօր ծաղկեպսակ է դրվել «Եռաբլուր» զինվորական պանթեոնում՝ Հայրենիքի ազատության և անկախության համար իրենց կյանքը զոհաբերած հայորդիների սխրանքը հավերժացնող հուշապատին: Այս մասին հայտնում են նախագահի գրասենյանկից։
Հավերժ փա՛ռք և խոնարհում մեր նահատակների հիշատակին:
