ՌԴ նախագահ Վլադիմիր Պուտինը ՌԴ անվտանգության խորհրդի մշտական անդամների հետ հանդիպմանը նշել է, որ Հայաստանի և Ադրբեջանի սահմանին ստեղծված իրավիճակը զգայուն հարց է ՌԴ համար:
«Մեզ համար հայ-ադրբեջանական սահմանին ստեղծված իրավիճակը շատ զգայուն թեմա է»,- ասել է Պուտինը:
ՌԴ նախագահի մամուլի քարտուղար Դմիտրի Պեսկովի խոսքով՝ խորհրդակցության ժամանակ քննարկվել են «ՌԴ հարաբերություններն ԱՊՀ երկրների, այդ թվում՝ Հայաստանի և Ադրբեջանի հետ, հատկապես՝ այդ երկրների սահմանին շարունակվող լարվածության համատեքստում»:
