Երեւանում ռուս լրագրողների հետ տեղի ունեցած հանդիպման ժամանակ վարչապետ Նիկոլ Փաշինյանը նշել է, որ Հայաստանը դիտարկում է Լեռնային Ղարաբաղի անկախությունը ճանաչելու հնարավորությունը:
«Այո, մեր օրակարգում կա Լեռնային Ղարաբաղի անկախության ճանաչման հարցը: Նաև դիտարկում ենք Ղարաբաղի հետ ռազմաքաղաքական դաշինք ձևավորելու հնարավորությունը»,- ntv.ru-ի փոխանցմամբ՝ նշել է Նիկոլ Փաշինյանը:
Հայաստանը ՀԱՊԿ-ին դիմել դեռեւս չի պատրաստվում, չնայած, վարչապետի խոսքով՝ «սերտ աշխատում է» կազմակերպության հետ:
«Հայաստանի զինված ուժերն ունակ են ապահովել երկրի անվտանգությունը»,- ասել է ՀՀ վարչապետը: