▲ Դեպի վեր

lang.iso lang.iso lang.iso

ՎԵՐՋԻՆ ԼՈւՐԵՐԸ

Այժմ մեր տնտեսությունը բավականին լավ դինամիկա է արձանագրում. Նիկոլ Փաշինյան

Հայոց լեզու և Հայոց պատմություն առարկաները բուհերից հանելն անընդունելի է. Վահե Էնֆիաջյան

Նիկոլ Փաշինյանն անդրադարձել է իրացման գոտիների հետ կապված հարցին

Ու՞ր են փողերը... Տիգրան Ուրիխանյանը՝ Նիկոլ Փաշինյանին

Ապամոնտաժվել են կենտրոնի մի շարք ապօրինի կրպակներ ու տաղավարներ. Երևանի քաղաքապետարան

«Կո՞ղմ եք, որ չկատարելով դատավորի աշխատանքը, նա 793,000 դրամ աշխատավարձ ստանա». Էդմոն Մարուքյան

Ինչո՞ւ են բարձրացել նախարարների աշխատավարձերը. Նիկոլ Փաշինյանը պարզաբանում է

Նոր մարզադպրոց Չարենցավանում

Կարիք չկա հայոց լեզուն, հայ գրականությունը և պատմությունը ինձանից պաշտպանել. Արայիկ Հարությունյան

Լեգենդներն ու Հերոսները... Մանսուրյանը, Ջիվան Գասպարյանն ու Մալխասն այցելել են Հայրենիքի պաշտպաններին

Միգուցե այդքան էլ լավ ամուսին չես, որ քո կինը ակտիվ է…Օգտագործում են այս կարծրատիպերը, որ. . .

«Փյունիկ»-ի նախկին դրապասապահն այսուհետև հանդես կգա որպես երգիչ

Արմեն Սարգսյանը` Ճապոնիայի նոր կայսր Նարուհիթոյի գահակալության առիթով կազմակերպված ընդունելությանը

Հանրությունը պատրաստ չէ Նաիրի Հունանյանի ազատությանը. ԱԺ պատգամավոր

Ոստիկանները բացահայտել են 64-ամյա կնոջ դաժան սպանությունը. կասկածյալը ՊԵԿ փոխնախագահ Մաշադյանի եղբայրն է

Այդ ժամանակ կասեմ՝ թող մի տականք էլ ավել ման գա այս արևի տակ. Անահիտ Բախշյան

Երևանի ավագանու «Իմ քայլը»-ի անդամը վայր է դնում մանդատը

Բաբլոյանը նեղված է իրավապահներից. վստահեցնում է` իրեն մի բանի համար կարող են մեղադրել, և դա. . .

Ժամ առաջ անհրաժեշտ է բերման ենթարկել Վիտալի Բալասանյանին. Ժիրայր Սեֆիլյան

Դատարանը մեկ ամսով երկարաձգեց Գագիկ Խաչատրյանի եղբորորդու կալանքի ժամկետը

Ի՞նչն է տարիներ անց Երևանում միավորել Սոնային և Մանոլոյին

«Մել». Մելինե Դալուզյանի մասին ֆիլմ է նկարվում. 5-6 տարեկանում նա ամեն երեկո աղոթում էր, որ տղա դառնա

Գագիկ Հարությունյանը հերքում է, թե իրեն պարտադրել են հրաժարական տալ ՍԴ նախագահի պաշտոնից

Սուտ ասելս ո՞րն ա, Ձեր արտահայտություններում կոռեկտ եղեք․․․Ալեն Սիմոնյանը բարկացավ

Անդրանիկ Քոչարյանը՝ Նաիրի Հունանյանի մասին

Իմ աշխատավարձը միշտ եղել է 63 հազար դրամ. հարկադիրն աղքատավարձիցս թաքուն պահել է 7500 դրամ.. . .

Արմեն Սարգսյանը հանդիպել է Տանզիլա Նարբաևայի հետ

Հայաստանում առաջին անգամ կատարվել է լյարդի փոխպատվաստում երեխային կենդանի դոնորից

Մենք լավ հարևաններ ենք․․․Արմեն Սարգսյանը հանդիպել է Վրաստանի նախագահի հետ

Ամբողջ ազգն է տեսնում՝ արդարադատության կրիշն ա փտած, կը-րի-շը, ոչ թե կրիչը. Պավլիկ Մանուկյան

ԱԱԾ տնօրենի և ոստիկանապետի պաշտոնները քաղաքական պաշտոն դարձնող նախագիծը ԱԺ-ն չընդունեց

Օրենքը դեռ ուժի մեջ չի մտել, սակայն քաղաքը մաքրել են մերսման սրահներից. Սերգեյ Բագրատյան

Տիգրան Ավինյանի սենսացիոն հայտարարությունն Ամուլսարի մասին

Ծննդյանս ամենաթանկ նվերը. Սիլվա Հակոբյանը ցույց է տվել դստերը

Թաթա, Արման Հովհաննիսյան, Սիլվա Հակոբյան... էլ ովքե՞ր են հայտարարագրել իրենց եկամուտները

Ողջ ճշմարտությունը «Հաց բերողի» մահվան հանգամանքների վերաբերյալ. Արփինե Հովհաննիսյանը մանրամասնել է

Բավական է. Նիկոլ Փաշինյանի գրառումը

Կյանք և ազատություն. Սիրուշոյի լուսանկարը որդու հետ և ակնարկը Ռոբերտ Քոչարյանի մասին

Մարինա Խաչատրյանը ձվեր դրեց փոխոստիկանապետի սեղանին

Համերգ-բարտեր՝ հայաստանյան իշխանությունների եւ Սերժ Թանկյանի միջեւ

Արա Բաբլոյանին մեղադրանք կառաջադրվի. ո՞վ է ցուցմունք տվել նրա դեմ

Վարագ Սիսեռյանը նեղացած է

Հայրապետովի հեռացման իրական պատճառը Քոչարյանի դեմ ցուցմունք չտա՞լն է

«3 տարեկան էր, սիրտը ծակեցի, որ խրատվի». ոստիկանին սպանած երիտասարդների մայրը ևս 2 երեխա է խնամում

Կայարանում դեռ Սովետը չի փլուզվել...

Հայերի համատեղ կարողությունը կազմում է 42 մլրդ դոլար․ Շվեյցարական բանկը հրապարակել է. . .

Իշխանական պատգամավորը՝ Հրայր Թովմասյանի հորն ու դուստրերին հարցաքննության կանչելու վերաբերյալ

«Մի՛ արեք այդ էժան քայլերը, մի՛ փորձեք ինձ սպառնալ». Ռուբեն Հայրապետյան

Հիշեցի Էդուարդ Բաբայանի խոսքը, թե Աբովյանը գործ տվողների քաղաք չի դառնալու. Սիսակ Գաբրիելյան

Արա Բաբլոյանը ներգրավվել է որպես կասկածյալ, իսկ Արսեն Բաբայանին կալանավորելու միջնորդություն է. . .

Հայաստանում տասնամյակներ շարունակ սոցիալական քաղաքականություն կոչվածը ճիշտ շեշտադրում չի ունեցել. Աննա Հակոբյան

Աննա Հակոբյանի ելույթը Վորլդ Վիժն կազմակերպության հայաստանյան առաքելության 30 ամյակի կապակցությամբ

 

Դեռ մեկ տարի չի անցել այն օրից, երբ ես՝ որպես նորաստեղծ ‹‹Իմ քայլը›› հիմնադրամի հիմնադիր և հոգաբարձուների խորհրդի նախագահ, հանդիպեցի Վորլդ Վիժն Հայաստանի տնօրեն Ժիրայր Էդիլյանի հետ։ Այն ժամանակ դեռ աղոտ էի պատկերացնում, թե կոնկրետ ինչով է զբաղվում Վորլդ Վիժնը Հայաստանում, բայց կանխազգում էի, որ կազմակերպության բազմամյա փորձը հումանիստական գործունեության ասպարեզում չի կարող օգտակար չլինել առաջին քայլերն անող «Իմ քայլը» հիմնադրամի գործունեությունը հաստատուն ռելսերի վրա դնելու հարցում։ Մեր դեռևս փոքրաթիվ թիմն այդ ժամանակ արդեն մոլորվել էր քաղաքացիներից ստացված ամենաբազմազան ու բազմաբնույթ հարյուրավոր դիմում-խնդրանքների հորձանուտում, և Վորլդ Վիժնի հետ հանդիպումն ու այդ հանդիպմամբ սկզբնավորված գործունեությունը չափազանց տեղին էր։ 

Առաջին հանդիպմանն իսկ պարզ էր, որ մեր մոտեցումները համընկնում են ամենակարևոր հարցում՝ մենք չենք ուզում լինել պարզապես օգնություն բաժանող, այլ ձգտում ենք դառնալ բարեգործության նոր մշակույթի կրողը, սոցիալական նոր քաղաքականության առաջամարտիկը։ Մենք ուզում ենք կանգնել ընտանիքների կողքին՝ ամրապնդելով սեփական ոտքերի վրա  կանգնելու նրանց կարողությունը։ Ավարտական մոտեցումը, որին քիչ առաջ ծանոթացաք տեսանյութում, բավականին մոտ էր մեր պատկերացումներին, և այդ մոտեցման կիրառման արդեն իսկ տարիների փորձ ունեցող Վորլդ Վիժնի հետ համագործակցությունը մեկնարկեց անհապաղ։

Այսօր արդեն ունենք արդյունքներ, որոնցով հպարտանում ենք և ոգեշնչվում՝ հաստատակամորեն առաջ շարժվելու։ Վորլդ Վիժնի հետ իրականացվող Աղքատության փուլային հաղթահարման ծրագրի շրջանակներում արդեն իսկ աշխատում ենք 28 ընտանիքի հետ։ Նպատակ ունենք մոտ ապագայում ընդգրկված ընտանիքների քանակը հասցնել 40-ի, իսկ ժամանակի ընթացքում ավելի ընդլայնել ծրագիրը՝ ընդհուպ հասնելով Արցախ։ Այս ծրագիրն իսկապես թևեր տվող է։

Մեզ համար ամեն ընտանիքի կողքին կանգնելը, ամեն փոքր խնդրի լուծմանն աջակցելը, ինքնուրույն քայլ անելու կարողությունն ամրապնդելը պակաս կարևոր չէ, քան բազմամիլիոնանոց ծրագրերը կրթության կամ մշակույթի ոլորտում։ Մենք հուզվում և ուրախանում ենք ընտանիքների ամենափոքր առաջընթացով։

Այսօր արդեն ունենք հաջողության պատմություններ, որոնք մեզ ոգեշնչում են շարունակել ընթացքը։ Կան նաև չհաջողված պատմություններ, երբ ընտանիքը բավարար արձագանքող չէ ինքնուրույն քայլելու, կատարելագործվելու հարցում։ Բայց մենք չենք հուսահատվում․ գաղտնիք չէ, տասնամյակներ շարունակ Հայաստանում սոցիալական քաղաքականություն կոչվածը ոչ ճիշտ շեշտադրումներ է ունեցել, և հենց այդ անհաջողություններն էլ նորից ու կրկին մեզ համոզում են, որ նոր քաղաքականության մշակումն  ու օր առաջ կիրարկումը անհետաձգելի հրամայական է։ 

Իհարկե՝ երկու, երեք, նույնիսկ տասնյակ կազմակերպություններ չեն կարող անել այն, ինչ պետք է անի պետությունը։ Այսօր արդեն ‹‹Իմ քայլը›› հիմնադրամում և անձամբ ինձ ուղղված  դիմումները հազարավոր են, և մենք գրեթե նույնքան մոլորված ենք։ Որքան էլ որ ուղղությունն ու տեսլականը հստակ լինեն, այն է՝ աջակցել մարդու, ընտանիքի կարողությունների հզորացմանը, ոչ թե լուծել սոսկ օրվա խնդիր, բայց խնդիրների ծավալներն այնպիսին են, որ միայն համապետական, համընդգրկուն քաղաքականության մշակումն ու կիրակումը կարող է ելք լինել երկարաժամկետ կտրվածքում։ 

Եվ ես, առիթից օգտվելով, դիմում եմ լիազոր մարմինների ներկայացուցիչներին՝ օգտագործե՛ք նաև մեր ռեսուրսները։ Եկեք նստենք մի սեղանի շուրջը՝ մեկտեղելու ռեսուրսները Հայաստանում սոցիալական ապահովության խնդրին համալիր ու համակարգային լուծում տալու։ Համատեղ ջանքերով մենք կարո՛ղ ենք կյանքի կոչել ՀՀ Սահմանադրության առաջին հոդվածը՝ Հայաստանի Հանրապետությունը դարձնելով իսկապես սոցիալական պետություն։

Ամրացնել ու զարգացնել ընտանիքի՝ աշխատելու, ինքնուրույն քայլելու կարողությունը և ամուր կանգնել կյանքի դժվարին իրավիճակում հայտնված ընտանիքների կողքին։ Սա է տեսլականը, որի իրագործումը մենք իրատեսական ենք համարում պետության գլխավորությամբ ոլորտի դերակատարների ջանքերի, ռեսուրսների, տարիների փորձի մեկտեղման դեպքում։ Ես երազում եմ այն ժամանակի մասին, երբ ոչ մի ընտանիք «Իմ քայլը» հիմնադրամի, Վորլդ Վիժնի, բարեգործական այլ կազմակերպությունների կարիքը չի ունենա։

Երբ պետական ինստիտուտները, մեխանիզմները ու քաղաքականությունը կգործեն այնքան հստակ, որ մեր կազմակերպությունները իրենց ռեսուրսներն ուղղեն բացառապես զարգացման ծրագրերին։ Ես հավատում եմ, որ այդ ժամանակը շատ չի ուշանալու։  Իսկ մինչ այդ ուզում եմ շնորհակալություն հայտնել Վորլդ Վիժն Հայաստանի ողջ թիմին ամենօրյա, ամենժամյա ռեժիմով կատարվող անհավանական աշխատանքի համար։

650 հազար երեխայի աջակցություն 30 տարվա ընթացքում, 4․000 ծայրահեղ խոցելի ընտանիքների հետ ամենօրյա աշխատանք, ինժեներական լաբորատորիաներ, համայնքներում արտադրողների խմբերի և արժեշղթաների զարգացում, ամառային ճամբարներ բազմահազար երեխաների համար․ այս ամենը չափազանց տպավորիչ է։ Տպավորիչ է, որ Վորլդ Վիժնի թիմի բարձր պրոֆեսիոնալիզմն ու նվիրվածությունը գործին, երկրում, համայնքներում, ամեն առանձին ընտանիքի ու երեխայի կյանքում փոփոխություն բերելու խանդավառությունը․հատկանիշներ, որոնց մասին մեկ անգամ չէ, որ լսել եմ ‹‹Իմ քայլը›› հիմնադրամի՝ ձեզ հետ աշխատող թիմից։ 

Շնորհակալություն ձեզ և շնորհավորում եմ այս կարևոր հոբելյանի կապակցությամբ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Հասարակություն ավելին