▲ Դեպի վեր

lang.iso lang.iso lang.iso

Հայտնաբերվել են 44-օրյա պատերազմում զոհված տավուշեցի 2 զինծառայողների աճյունները

Պատերազմից 1 տարի եւ 3 ամիս անց հայտնաբերվել են 44-օրյա պատերազմում զոհված երկու զինծառայողների աճյունները։ Այս մասին տեղեկանում ենք «Տավուշի օրագիր» ֆեյսբուքյան էջից։

«Պատերազմից 1 տարի եւ 3 ամիս անց Տավուշի զավակներին՝ մեր անհայտ կորած տղաներին գտել են։ Տղաները համալրել են անմահների գունդը։

Առաջին նկարում Պողոսյան Ռուբենն է՝ Բերդ քաղաքից, համեստ, մատով ցույց տված ընտանիքի, երիտասարդ ծնողների միակ արու զավակը։ Ռուբենը դպրոցական տարիներից աչքի էր ընկնում պայծառ, գրավիչ ժպիտով, դրական էներգիայով, ընդգծված հարգանքով յուրաքանչյուր մարդու նկատմամբ։ Բնավորության մեջ առանձնացած բացառիկ նրբանկատություն կար շրջապատող աշխարհի նկատմամբ՝ ժառանգած արվեստագետ, տաղանդավոր մայրիկից։

Իսկ աջ նկարում Վահե Պապյանն է՝ Մովսես գյուղից։ Վահեն բացառիկ ընկերասեր մարդասեր, հայրենասեր կերպար ուներ, տակավին երիտասարդ, բայց ամբողջությամբ գիտակցում էր զինվորական ծառայության ամբողջ լրջությունը, բոլորը պատմում են, որ բանակի նվիրյալ է եղել։

Հավերժ փառք ձեզ մեր խղճի, պատվի մարտիկներ։

Այլ կայքերից և տելեգրամ-ալիքներից վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Հասարակություն ավելին