Արդեն տեղեկացրել ենք, որ Քաղաքացու օրվա կապակցությամբ ՀՀ վարչապետ Նիկոլ Փաշինյանը շրջում է Երևանի փողոցներով: Մաշտոցի պուրակին հարող տարածքում մի խումբ քաղաքացիներ խորոված էին պատրաստում, վերջիններին միացավ նաև Նիկոլ Փաշինյանը: «Շնորհակալ եմ, որ այս ավանդույթը պահել եք: Ես, անկեղծ ասած, ուզում էի ինքս անել, բայց դե գիտեք, որ բազմաթիվ սահմանափակումներ ունեմ»,- քաղաքացիներին դիմելով՝ ասաց վարչապետը:
Վերհիշելով անցած տարվա հեղափոխության դեպքերը՝ Փաշինյանն ասաց. «Ես անգամ գաղափար չունեի, որ անցած տարի խորոված է եղել: Հեղափոխությունից հետո, երբ որ սկսել եմ վիդեոները նայել, հասկացել եմ, որ հեղափոխության ժամանակ հեղափոխության ժամանակ հեղափոխության 10 տոկոսն եմ տեսել միայն, մնացած 90-ից գաղափար չեմ ունեցել»:
Դիտեք նաև՝
