Ըստ օդում խախված լուրերի՝ կորոնավիրուսից մահացած յուրաքանչյուր մարդու համար ՀՀ պետական բյուջե է մտնում 18 հազար դոլլար:
news.am-ն է գրում, նշելով, որ այս մասին լրագրողների հետ հանդիպմանն ասել է «Երևանի այլընտրանքային քաղաքապետարան» նախաձեռնության անդամ Սոնա Աղեկյանը՝ խոսելով կորոնավիրուսով պայմանավորված իրավիճակի և դրանց հետևանքների մասին:
«Չգիտեմ՝ ինչքանով է այս տեղեկությունը ճիշտ, քանի որ այս մասին պաշտոնապես հայտարարություն դեռևս չի եղել: Պահանջում եմ, որ այս տեղեկությունը պաշտոնապես հերքեն կամ հաստատեն»,-ասել է նա:
Անդրադառնալով վիրուսից մահացածներին՝ հարազատին փակ վիճակում հանձնելու փաստին՝ Սոնա Աղեկյանը նշեց, որ ինքը ևս միանում է այն մտահոգություններին, թե այդ առումով կասկածելի բաներ կան:
Սոնա Աղեկյանին իր ընկերներից մեկը պատմել է, որ վերջինիս հորը հողին հանձնելուց, փոսն իջեցնելուց մեկ րոպե առաջ բացել են դագաղը և տեսել, որ 96-ամյա կնոջ դի է այնտեղ. «Սարսափելի է»,- նշեց Սոնա Աղեկյանը:
«Ես կոչ եմ անում, որ եթե կորոնավիրուսով մահացած հարազատ ունեք, պահանջեք, որ հուղարկավորելուց նրան հնարավորություն ունենաք տեսնել: Որպեսզի հետագայում մղձավանջների մեջ չընկնեք»,- ընդգծեց Աղեկյանը:
Շարունակությունը՝ սկզբնաղբյուր կայքում