Ադրբեջանը պաշտոնապես մտահոգություն է հայտնում Ռուսաստանից Հայաստանին մատակարարվող զինամթերքի առնչությամբ: Մենք բացատրություններ ենք պահանջում, թե ինչու է Ռուսաստանը ինտենսիվ զինում Հայաստանը հայտարարել է Ադրբեջանի նախագահի խորհրդականը:
ՀՀ ԱԳՆ մամուլի խոսնակ Աննա Նաղդալյանն այսօր ասել է, որ վերջին շրջանում ադրբեջանական կողմից ստացած խիստ իրարամերժ ազդակներից եւ հայտարարություններից կարելի է ենթադրել, որ հուլիսյան մարտերը հուժկու հարված են հասցրել ոչ միայն նրանց զինված ուժերին, այլեւ դիվանագիտական ներուժին:
«Հուլիսյան մարտերից հետո հայկական կողմը ներկայացրել է խաղաղ գործընթացի վերաբերյալ իր մոտեցումները, որտեղ կենտրոնական դեր է խաղում ուժի սպառնալիքի բացառումը, ատելության հռետորաբանության դադարեցումն ու հրադարարի ռեժիմի ամրապնդումը: Ըստ մեր գնահատականների՝ այս մոտեցումներն առաջնահերթություն են նաեւ ԵԱՀԿ Մինսկի խմբի համանախագահների մոտ»,- ասել է խոսնակը:
Աննա Նաղդալյանի ասուլիսն ամբողջությամբ՝ տեսանյութում: