«Մտահոգությամբ եմ հետեւում վերջին օրերին Կովկասի տարածաշրջանում տեղի ունեցած զինյալ բախումների սրացմանը՝ Հայաստանի եւ Ադրբեջանի միջեւ»:
Այս մասին Հռոմի Ֆրանցիսկոս պապն է ասել՝ կիրակնօրյա Մարիամյան աղոթի ավարտին, Սուրբ Պետրոսի հրապարակում հավաքված հավատացյալներին ուղղված ողջույնի խոսքում:
Հռոմի քահանայապետը հույս է հայտնել, որ միջազգային հանրության հանձնառությամբ՝ երկոսության ու բարի կամքի միջոցով հնարավոր կլինի խնդրի խաղաղ եւ երկարատեւ լուծմանը հասնել՝ հանուն ժողովուրդների բարօրության։
Ֆրանցիսկոս պապը, անդրադառնալով համավարակի ժամանակահատվածում ՄԱԿ-ի՝ գլոբալ հրադադարի կոչին, խոստացել է աղոթել հայ-ադրբեջանական սահմանի զինված բախումների հետեւանքով զոհվածների ընտանիքների համար:
