Այսօր հրավիրված ասուլիսում երրորդ նախագահ ՍերԺ Սարգսյանն անդրադարձավ 2016թ. ապրիլյան պատերազմից հետո համացանցում տարածված տեսանյութին, որտեղ երևում է, թե ինչպես է Արցախի սահմաններին մոտենում հակառակորդի զորքը: Հայ զինվորներն, ըստ տեսանյութի, անընդհատ կապ են տալիս, որ հակառակորդը մոտենում է, կրակ բացելու թույլտվություն են հայցում, սակայն պատասխանը լինում է՝ սպասեք:
Սարգսյանը նախ նշեց, որ առաջին գծում կրակել, թե չկրակել որոշում է կոնկրետ ստորաբաժանման ղեկավարը, ոչ թե գերագույն գլխավոր հրամանատարը։ Սարգսյանը միևնույն ժամանակ պնդեց, որ որևէ տարօրինակ բան չկա, որ հրամանատարը հրահանգել է չկրակել և սպասել՝ մինչեւ հակառակորդը մոտենա կոնկրետ խոցման կետին։
Սարգսյանը պնդեց, որ հենց հրամանատարի համբերատարության և նպատակասլացության շնորհիվ է, որ հակառակորդը կրել դիրքային կորուստներ հենց այդ հատվածում։
Մամուլի ասուլիսն ամբողջությամբ՝ տեսանյութում:
