Մարգարիտա Բարխոյանն ավարտել է Երևանի Կոմիտասի անվան պետական կոնսերվատորիայի ջազ-վոկալ բաժինը: 2002թ-ից հանդես է եկել եղբոր` երգիչ Վլադիմիր Բարխոյանի հետ և ձայնագրել առաջին երգը` «Սերն է քո արևը, հայրենիք», իսկ 2003թ. եղբոր հետ համատեղ թողարկել է նույնանուն ձայնասկավառակը: Նույն թվականին մասնակցել են «Սայաթ-Նովա» երգի համահայկական փառատոնին, որտեղ արժանացել են գլխավոր մրցանակին: 2004թ. մենահամերգ են ունեցել ԱՄՆ-ում և հայկական երաժշտական մրցանակաբաշխության ժամանակ եղբոր հետ արժանացել է «Տարվա հայտնություն» մրցանակին: 2007թ. համերգներով եղել է Փարիզում: 2011թ. թողարկել է երկրորդ՝ «Ջրի պես» ձայնասկավառակը:
