ՀՀ կառավարությունն իր այսօրվա՝ մարտի 29-ի նիստում որոշում կայացրեց և սահմանեց «Ընտանիքում բռնության ենթարկվածների ապաստարաններին ու դրանց անձնակազմին ներկայացվող պահանջները», «Ընտանիքում բռնության ենթարկվածների համար նախատեսված ապաստարանների ֆինանսավորման պայմանագրի օրինակելի ձևը»:
Հարցը ներկայացրեց ՀՀ աշխատանքի և սոցիալական հարցերի նախարար Զարուհի Բաթոյանը, ով նշեց, որ այս որոշմամբ կարգավորվում են ընտանիքում բռնության ենթարկվածների ապաստարաններին և դրանց անձնակազմին ներկայացվող պահանջները:
