|
Բանկային զեղծարարություններից տուժած քաղաքացիները հերթական ակցիան են իրականացրել Ինեկոբանկի դիմաց։ «Ակցիաներ ենք անում, իրազեկելու ենք մեր խնդիրների մասին և զգուշացնելու ենք քաղաքացիներին՝ զերծ մնալ նման բանկերի հետ համագործակցելուց: Շարունակելու ենք այնքան, որ բանկեր փակվեն: Մենք համաձայն չենք, որ քաղաքացիները թալանվեն։ Այս տիպի բանկերը ոչինչ չեն անում իրենց հաճախորդներին պաշտպանելու համար։ Քաղաքացին պարտավոր չէ համապատասխան գիտելիքներ ունենա, նրանք պետք է պաշտպանեն քաղաքացուն»,- ասել է ակցիայի մասնակիցը: Շատերը պատմեցին, թե ինչպես են կիբերհանցագործության զոհ դարձել, ինչպես են իրենց անունից վարկեր ձևակերպվել․ «Բանկն անընդհատ պահանջում է վարկը մարել, երեխայիս նպաստն են բռնագանձում։ Բանկը չի պաշտպանում մեզ։ Ոչ մի լուծում չեմ ստանում։ Ինչո՞ւ պատշաճ կերպով չեն տեղեկացրել, որ իմ անունով վարկ է ձևակերպվել։ Ում տվել են, թող նա էլ վճարի։ Հորդորում եմ բոլորին հանել իրենց ավանդները ինեկոբանկից, քանի որ վատ են աշխատում»,- ասաց ակցիայի մեկ այլ մասնակից։ |
ԱրմԼուր.am-ը գրում է․ Ինեկոբանկի առաջ ակցիայի կազմակերպիչները ֆիշինգի զոհ դարձած քաղաքացիներն են, որոնց անունով բանկերում ձևակերպվել են միլիոնների հասնող վարկեր, ինչպես իրենք են նշում, առանց իրենց իմացության։ Բողոքի ակցիայի միջոցով քաղաքացիները բանկերից պահանջում են դադարեցնել ապօրինությունները և առաջացած խնդիրներին լուծումներ տալ։
Դիտեք նաև՝
