Չնայած այն հանգամանքին, որ Իրանում շուտով Նովրուզ է և սահմանների փակումը խոսում է ի վնաս Հայաստանի տնտեսության, այնուամենայնիվ, Իրանի հետ սահմանային անցակետի փակումն, ամենայն հավանականությամբ, կերկարաձգվի: Այս մասին քիչ առաջ կայացած մամուլի ասուլիսի ժամանակ հայտարարեց ԱՆ Արսեն Թորոսյանը:
«Որոշ սահմանափակումների գնալով՝ շատ մեծ օջախային երկրներից մենք խուսափում ենք: Այնուամենայնիվ, բեռնափոխադրումները մենք թույլ ենք տալիս: Հնարավոր է՝ պարզապես դրանց կառավարելիությունը մեծացնենք:
Վրաստանի հետ սահմանի փակման մասին խոսք լինել չի կարող, որովհետև այնտեղ վարակվածությունը լոկալ բնույթ է կրում»,- ասաց Թորոսյանը:
Արսեն Թորոսյանի մամուլի ասուլիսն ամբողջությամբ՝ տեսանյութում։
