ՀՀ վարչապետ Կարեն Կարապետյանը ցավակցական հեռագիր է հղել Ռուսաստանի Դաշնության վարչապետ Դմիտրի Մեդվեդևին՝ Սանկտ Պետերբուրգի մետրոյում այսօր տեղի ունեցած ողբերգական պայթյունի կապակցությամբ, որը մարդկային զոհերի պատճառ է դարձել:
«Հարգելի Դմիտրի Անատոլիի,
Խորը կարեկցանքով տեղեկացա Սանկտ Պետերբուրգի մետրոպոլիտենի «Տեխնոլոգիչեսկի ինստիտուտ» կայարանում վագոնի պայթյունի մասին, որի հետևանքով կան մարդկային զոհեր և բազմաթիվ վիրավորներ:
Խնդրում եմ փոխանցել անկեղծ ցավակցություններս զոհվածների հարազատներին և մերձավորներին, աջակցության խոսքերը և շուտափույտ ապաքինման մաղթանքները՝ տուժածներին»:
Հիշեցնենք, որ ըստ ՀՀ ԱԳՆ-ի տարածած հաղորդագրության համաձայն՝ Սանկտ Պետերբուրգի պայթյունից նաև հայեր են տուժել:
