Վլադիմիր Պուտինն ասել է, որ Ռուսաստանը Լեռնային Ղարաբաղի հակամարտության բոլոր կողմերին կոչ է անում որքան հնարավոր է շուտ դադարեցնել կրակը:
Այս մասին Ռուսաստանի նախագահն ասել է РТР հեռուստաընկերության «Մոսկվա.Կրեմլ.Պուտին» ծրագրին տված բացառիկ հարցազրույցում:
ՌԴ նախագահ Վլադիմիր Պուտինը հայտարարել է, որ Հայաստանը Ռուսաստանի դաշնակցային պարտավորությունների հետ կապված հարցեր չունի:
«ԼՂ հարցի վերաբերյալ ես մշտական կապի մեջ եմ Փաշինյանի հետ»,-ասել է Պուտինը:
Նա հիշեցրել է, որ Հայաստանը ՀԱՊԿ անդամ է, եւ այս պայմանագրի շրջանակներում Ռուսաստանը որոշակի պարտավորություններ ունի Հայաստանի նկատմամբ:
«Ինչ վերաբերում է Ռուսաստանի կողմից այս պայմանագրի շրջանակներում իր պայմանագրային պարտավորությունների կատարմանը, մենք միշտ կատարել ենք, կատարում ենք եւ շարունակելու ենք կատարել մեր պարտավորությունները», - ասել է Պուտինը:
