Երևանի ավագանու անդամ Իզաբելլա Աբգարյանը ֆեյսբուքյան իր էջում գրում է.

«Քաղաքապետարանի գործակարգավարականների հեռարձակումն ամեն անգամ «կատու ճղելու» բեմադրություն է հիշեցնում:

Լավ է չհեռարձակվեն, քան ամեն անգամ ականատես լինենք, թե ոնց է քաղաքագլուխն իր ենթականերից մեկի վրա «ջղայնանում»:

Գոնե ինձ մոտ հարց է առաջանում, թե ուղիղ եթերով հեռարձակվող գործարգավարականից դուրս հնարավորություն չկա՞ ենթակաների հետ զրույց ունենալու, դժգոհությունն արտահայտելու համար:

Թե՞ նպատակը ոչ թե ոլորտում կարգուկանոն հաստատելն է, որակ պահանջելը, այլ՝ երևանցիների մոտ «ուժեղ տղա» խաղալը:

Հ. Գ. Ղեկավար լինելը թթու է՝ թան չէ, ամեն մարդու բան չէ»: