Պաշտպանա-արդյունաբերական համալիրը կարողացավ դիմակայել այս երկու դժվարին տարիներին և արժանապատվորեն իրեն դրսևորել։ Այս մասին ասել է ՌԴ նախագահ Վլադիմիր Պուտինը՝ ելույթ ունենալով Տուլայում «Ամեն ինչ հանուն հաղթանակի» ֆորումի ժամանակ։
ՌԴ նախագահը հիշեցրել է, թե ինչպես էին կանխատեսում Ռուսաստանի փլուզում պատժամիջոցներից հետո, իսկ Արևմուտքը հույսեր էր փայփայում, որ երկիրը կնահանջի իրենց ճնշման ներքո:
«Կցանկանայի մի հայտնի ժեստ ցույց տալ։ Չեմ անի դա, այստեղ շատ աղջիկներ կան»,- կատակել է Պուտինը։
ՌԴ նախագահն ընդգծել է, որ Ռուսաստանի տնտեսությունը, ընդհակառակը, ցուցաբերել է տոկունություն և դիմակայել արտաքին աննախադեպ ճնշմանը։
