Կատարված ուսումնասիրությունները ցույց են տվել, որ եթե տղամարդկանց գրավչությունը մեծամասամբ պայմանավորված է նրանց հասունությամբ, առողջությամբ և նաև նյութական ապահովվածությամբ, կնոջ գրավչությունը մեծամասամբ բնութագրվում է նրա երիտասարդությամբ և արտաքին տվյալներով:

  Իսկ կանանց մարմնի ո՞ր մասերն են տղամարդկանց տեսանկյունից համարվում ամենագրավիչը: Եվ այսպես

1. Մեծ աչքեր
2. Փոքր քիթ
3. Նուրբ, օվալաձև դեմք
4. Ուռուցիկ շուրթեր
5. Հաճելի ժպիտ և ճերմակ ատամնաշար
6. Փոքրիկ դունչ
7. Պինդ և համաչափ կրծքեր
8. Հարթ և առողջ մաշկ
9. Նուրբ իրան. եթե կոնքերի լայնությունը 100սմ է, ապա իրանը չպետք է 70 սմ-ից ավելի լինի:

  Թեպետ իրանին վերաբերող կետը վերջում ենք նշել, բայց իրականում սա կարելի է առաջինը համարել, քանի որ տղամարդիկ հենց այսպիսի, ինչպես ասում են, շքեղ բարեմասնություններով կանանց են նախընտրում` նեղ իրանով, դրանից ավելի լայն կոնքերով, քանի որ հենց նման կառուցվածքն է խոսում փորի շրջանում ճարպային կուտակման բացակայության և կանացի սեռական էստրոգեն հորմոնների բարձր ցուցանիշի մասին:

  Գիտնականները եկել են այն եզրակացությանը, որ ամբողջ աշխարհում, անկախ ավանդույթներից, մշակութային և կրոնական պատկանելությունից, հատկապես գնահատվել են նրբիրան կանայք: Նուրբ իրանը տղամարդկանց հուշում է, որ նման կինը կարող է առողջ երեխաներ լույս աշխարհ բերել, դրա համար էլ տղամարդիկ ենթագիտակցորեն հենց նման կնոջն են գրավիչ համարում: Նմանապես համաչափ դիմագծերը ևս խոսում են կնոջ առողջ գեների մասին:

 Ինչ վերաբերում է երկար կամ կարճ ոտքերին, բարձրահասակ կամ ցածրահասակ, նիհարիկ կամ թմբլիկ լինելուն, այս ամենն արդեն սուբյեկտիվ է:

 Ի վերջո, նշված բոլոր կետերն ու բնութագրումները հարաբերական են… Պատահական չէ ժողովրդական իմաստությունը` սերը կույր է: Սիրելի կանայք, ձեր գրավչությունը ձեր ձեռքում է…