«Այս, այսպես կոչված, իշխանությունները, միջազգային ասպարեզում չընդունված են, ոչ թե առերես հանդիպումների իմաստով, այլ խորքային իմաստով չընդունված: Իրենք այլևս գործոն չեն ոչ մի ձևով: Սա միանշանակ տեսանելի և հասկանալի է»,- Սուրբ Աննա եկեղեցու բակում ասաց Բագրատ Սրբազանը:

***

«Այս շարժումը ոչ թե կրոնական շարժում է, այլ ազգային հոգևոր շարժում է, արժեքների մասին շարժում է, և այդ արժեքների փոփոխության կամ առաջմղման ծիրից ներս այն մարդիկ, միավորումները կամ խմբավորումները, որոնք չեն համապատասխանում կամ չեն ընդունելու այդ արժեքային դաշտում լինելը, պարզապես դուրս կմնան։ Եվ այս պարագայում առաջին դուրս մնացողները, որոնք լրիվ հակառակ իրավիճակի մեջ են, ՀՀ, այսպես կոչված, իշխանություններն են, որոնք բացարձակ արժեքային ոչ մի բան չունեն»,- Սուրբ Աննա եկեղեցու բակում լրագրողների հետ զրույցում ասաց Բագրատ Սրբազանը։

***

«Շաբաթ օրը առավոտյան ժամը 11-ին բոլոր քաղաքական կուսակցություններին հրավիրում ենք հանդիպման»,- նշեց Բագրատ Սրբազանը` ելույթ ունենալով Սուրբ Աննա եկեղեցու բակում հավաքված քաղաքացիների հետ:

Ավելի վաղ նա նշել էր, որ լինելու է մեծ հանրահավաք, իսկ վաղը` հավաք բժիշկների, դասախոսների հետ:

Դիտեք նաև՝

Բագրատ Սրբազանը Երևանի Սուրբ Աննա եկեղեցու բակում անդրադարձավ նաև Կիրանցում շարունակվող պայքարին. «Մեր Կիրանցի ժողովուրդը փողոցներում է, ճանապարհ են փակել փոքրով ու մեծով, և պետք է խնդրեմ, որ Գառնիկ Դանիելյանը մի փոքրիկ պատվիրակությամբ մեկնի Կիրանց, որպեսզի գյուղի բնակիչները չմտածեն, որ իրենք լքված են: Որքան էլ հիմնական խնդիրը Երևանում է, այդուհանդերձ, անհրաժեշտ է ներկա լինել նաև հենց տեղում՝ Կիրանցում»։

«Այս շարժումը մեկ-երկու օրվա պատմություն չէ, որ պաթոսային պոռթկանք ու վերջանա, գնա։ Երանի այդպես լինեին մեր լուծումները: Բայց գիտենք, թե մեր դիմաց ով է կանգնած, անհաղթահարելի չեն իրենք»,- Սուրբ Աննա եկեղեցու բակում ասաց Բագրատ Սրբազանը:

Նա խոստացավ պայքարը տանել մինչև ցանկալի հանգրվան.

«Ես այս պայքարից ոտք հետ դնողը չեմ, եթե մենակ էլ մնամ այս հրապարակում, կարևոր չէ։ Հետևաբար մեր պայքարը պետք է լինի առաջ և ոչ թե՝ հետ։ 30 տարի և ավելի անընդհատ խոսել ենք ճշմարտության ու արժեքների մասին, Տիրոջ ներկայության, հավատքի ու հաղթանակի մասին։ Հիմա, եթե այդ բոլորը մեզ համար պետք է դառնա պարզ տեսություն, ինչ արժեքով ենք ապրելու...

...Հանրահավաքից հետո կսկսվի ինտենսիվ պայքարը, որը մեզ տանելու է մեր ցանկացած հանգրվանին։ Ես ձեզ չեմ թողնում, դուք էլ ինձ մի թողեք»,- ասաց նա։