|
ՌԴ նախագահ Վլադիմիր Պուտինը հանդես է գալիս ուղերձով՝ կապված Մոսկվայում տեղի ունեցած ահաբեկչության հետ, որի զոհերի թիվը ոչ պաշտոնական տվյալներով 150 է, պաշտոնական տվյալներով՝ 115։
Թարմացված․ Այժմ գլխավորը` թույլ չտալ, որ մերձմոսկովյան Կրոկուսի քաղաքապետարանում տեղի ունեցած ահաբեկչության հետևում կանգնածներիը նոր հանցագործություններ կատարեն, ասել է ՌԴ նախագահ Վլադիմիր Պուտինը։ Թարմացված․ ՌԴ Անվտանգության դաշնային ծառայության տնօրեն Ալեքսանդր Բորտնիկովը Վլադիմիր Պուտինին զեկուցել է Crocus City Hall համերգասրահում տեղի ունեցած ահաբեկչության հետ կապված 11 մարդու կալանավորման մասին։ Քննչական կոմիտեի վերջին տվյալներով՝ մերձմոսկովյան Կրասնոգորսկ քաղաքի համալիրի վրա հարձակման զոհ է դարձել առնվազն 133 մարդ, ևս 100-ը վիրավորվել են և գտնվում են հիվանդանոցներում։ Փլատակների մաքրման ժամանակ ևս դիեր են հայտնաբերվել։ Թարմացված․ Կիրակի օրը՝ մարտի 24-ը, Ռուսաստանում համազգային սգո օր է հայտարարվել: Այս մասին հայտնել Է ՌԴ նախագահ Վլադիմիր Պուտինը: «Ռուսաստանի հարգելի քաղաքացիներ, Դիմում եմ ձեզ արյունալի, բարբարոսական ահաբեկչական գործողության կապակցությամբ, որին զոհ գնացին տասնյակ խաղաղ անմեղ մարդիկ, մեր հայրենակիցները, այդ թվում ՝ երեխաներ, դեռահասներ, կանայք: Տուժածների, ծանր վիճակում գտնվողների կյանքի համար Այս պահին պայքարում են բժիշկները: Վստահ եմ, որ նրանք կանեն հնարավորն ու նույնիսկ անհնարինը բոլոր վիրավորների կյանքն ու առողջությունը պահպանելու համար»,- հայտարարել Է Պուտինը շաբաթ օրը ռուսաստանցիներին ուղղված ուղերձում։ |
