ՀՀ արտգործնախարար Էդվարդ ‪‎Նալբանդյանի հրավերով ապրիլի 21-22-ը ՌԴ արտաքին գործերի նախարար Սերգեյ ‪Լավրովը պաշտոնական այց կկատարի Հայաստան: Այս մասին տեղեկացրել են  ՀՀ ԱԳՆ-ից: 

Նախատեսված է Սերգեյ Լավրովի հանդիպումը Սերժ Սարգսյանի հետ: Ապրիլի 22-ին կկայանան Հայաստանի եւ Ռուսաստանի արտաքին գործերի նախարարների բանակցությունները եւ համատեղ մամլո ասուլիսը:

Պաշտոնական այցելության շրջանակներում Սերգեյ Լավրովը Ծիծեռնակաբերդում հարգանքի տուրք կմատուցի Հայոց ցեղասպանության զոհերի հիշատակին: