Դատարանը մերժեց ԵԿՄ վարչության նախկին նախագահ, գեներալ Մանվել Գրիգորյանի պաշտպանների միջնորդությունը՝ Գրիգորյանին բուժման նպատակով Ֆրանսիա ուղարկելու վերաբերյալ։

Դատարանը մերժեց միջնորդությունն՝ հայտարարելով, որ փաստական որևէ տվյալ և հիմնավորում չկա, որ Մանվել Գրիգորյանն այդ հիվանդությունը չի կարող բուժել նաև Հայաստանում:

Հիշեցնենք, որ Մանվել Գրիգորյանի պաշտպաններն այսօր՝ հունվարի 21-ին, դատարանին միջնորդություն էին ներկայացրել՝ նրան բուժման նպատակով Ֆրանսիա ուղարկելու վերաբերյալ։

Պաշտպանը նշել էր, որ  Գրիգորյանի հարազատները կհոգան Ֆրանսիայում բուժվելու բոլոր ծախսերը: Նա դատարանին հիշեցրել էր, որ ԵԿՄ նախկին նախագահ, գեներալ Մանվել Գրիգորյանը շաքարային դիաբետ ունի. շուրջ 20 տարի բուժում է ստացել Ֆրանսիայում: