Ազգային ժողովի նախկին պատգամավոր, գեներալ Մանվել Գրիգորյանը «Երևան-Կենտրոն» քրեակատարողական հիմնարկից տեղափոխվել է «Նաիրի» բժշկական կենտրոն՝ հետազոտվելու:
Այս մասին «Ազատությանը» փոխանցել է Արդարադատության նախարարության քրեակատարողական վարչության հանրային կապերի բաժնի պետ Նոնա Նավիկյանը:
«Մանվել Գրիգորյանը պարբերաբար գտնվել է քրեակատարողական հիմնարկի բժիշկների հսկողության ներքո, իսկ այսօր պարզապես հերթական հետազոտությունն են կատարում։ Այնպես չի, որ ծայրահեղ ծանր վիճակում է եղել, մենք դրա համար ենք տեղափոխել, հերթական հետազոտության համար է տեղափոխվել», - ասել է Նավիկյանը:
Կարդացեք նաև Մանվել Գրիգորյանին գրավով ազատ արձակելու նոր միջնորդություն է ներկայացվել դատարան
