▲ Դեպի վեր

lang.iso lang.iso lang.iso

«Մարզերից Երևան եկող ճանապարհները կաթվածահար են»

 

Լրագրող Արփի Սուքիասյանը տեսանյութ է տարածել ֆեյսբուքյան իր էջում՝ գրելով հետևյալը. «Ձյան պատճառով կաթվածահար են եղել մարզերից դեպի Երևան եկող ճանապարհները: «Հայլուրի» թղթակիցները աշխատանքի գալիս են նկարահանել այս կադրերը: Մերոնք նկատել են, որ Աշտարակ քաղաքում մերկասառույց չկա: Աղ ու ավազ ցանված է, բայց միայն քաղաքում: Աշտարակ խոշորացված համայնքի մյուս բնակավայերի ճանապարհները սառցակալած են: «Հայլուրն» ահազանգեր է ստացել նաև Կոտայքի մարզի բնակիչներից: Մարդիկ ասում են՝ Եղվարդ-Երևան ճանապարհին պարեկներն են ձեռքերով ավազ լցնում: Ապարան-Երևան 50 կիլոմետրանոց ճանապարհահատվածը սահադաշտի է վերածվել: Հայաստանի ներքին գործերի փրկարար ծառայությունը տեղեկացնում է, որ հանրապետությունում կան փակ ճանապարհներ։ Արագածոտնում՝ «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ճանապարհները: Ըստ ծառայության՝ Աշտարակ քաղաքում, Գավառի և Անիի տարածաշրջանների ճանապարհներին տեղ-տեղ մերկասառույց է: Ստեփանծմինդա-Լարսը բաց է բոլոր տեսակի տրանսպորտային միջոցների համար։
Կադրերում՝
Երևան-Աշտարակ՝ սառցակալած մայրուղի:
Եղվարդ-Երևան՝ սառցակալած ճանապարհ:
Օշական-Աշտարակ՝ սառցակալած ճանապարհ:
Սահադաշտի մուտքը 2000 դրամ է.... սահելու համար ինչո՞ւ ենք ավտոգույքահարկի տեսքով՝ տասնյակ հազարներ, հարյուր հազարներ տալիս»:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին