ՏՄՊՊՀ- հանդես եկել հայտարարությամբ եւ ՀՀ քաղաքացիներին տեղյակ պահել, որ մեծաքանակ գնումներ կատարելու անհրաժեշտություն չկա: Ըստ հանձնաժողովի, առևտրային ցանցերն ունեն բավարար պաշարներ:
Հայտարարության մեջ մասնավորապես ասված է.
«Հարգելի քաղաքացիներ,
Տեղեկացնում ենք, որ ՀՀ ՏՄՊՊՀ-ն մշտական կապի մեջ է գտնվում հանրապետության խոշոր առևտրային ցանցերի հետ և պարբերաբար իրականացնում է պարենային և ոչ պարենային ապրանքների պաշարների և գների մշտադիտարկումներ:
Խոշոր առևտրային ցանցերի հավաստմամբ՝ իրենք ունեն պահեստավորված բավարար քանակությամբ ապրանքներ և մեծաքանակ գնումներ կատարելու անհրաժեշտություն չկա: Միաժամանակ տեղեկացնում ենք, որ առևտրային ցանցերն առաջարկում են նաև առցանց առաքման ծառայություններ և հաշվի առնելով Առողջապահության նախարարության հորդորները մարդկային կուտակումներից խուսափելու վերաբերյալ՝ կոչ ենք անում օգտվել այդ ծառայություններից»:
