Խորքային հորերի խնդիրը ցույց է տալիս մեր երկրում վարված քաղաքականության անարդյունավետությունը: Այս մասին, այսօր Արագածոտնի մարզ կատարած այցի ժամանակ նշեց ՀՀ վարչապետի պաշտոնակատար Նիկոլ Փաշինյանը՝ հավելելով, որ Արարատյան դաշտի արտեզյան ավազանն անգին է, որի նկատմամբ պատշաճ ուշադրություն չի դարձվում:
Նա անդրադարձավ ձկնարդյունաբերությանը՝ նշելով. «Մենք 1 մլրդ դոլարի ջուր ենք օգտագործում, որ ստանանք մոտ 200 մլն դոլարի ձուկ: Երբ արտեզյան ջուրը մենք օգտագործում ենք ոռոգման համար, այդ ջուրը վերադառնում է իր նախնական տեղը: Երբ օգտագործվում է ձկնարդյունաբերության մեջ, դա դրենաժներով գնում լցվում է Արաքս գետը եւ Հայաստանից դուրս է գալիս»:
Փաշինյանը կոչ արեց ձկնարդյունաբերողներին լրջորեն մտածել այդ մասին. «Այս ոլորտում պետք են լուրջ ներդրումներ: Մանավանդ կլիմայական այս ժամանակաշրջանում մենք չենք կարող այսպիսի շռայլություն մեզ թույլ տալ»:
Փաշինյանը տեղեկացրեց, որ Արարատյան դաշտում բազմաթիվ ինքնաշատրվանող հորեր դադարել են գործել, քանի որ ձկնարդյունաբերության արդյունքում արտեզյան ավազանի հորիզոնն իջել է:
Կարդացեք նաև՝ Ընտրակաշառք տվողի ձեռքը, բառիս բուն իմաստով, կկտրենք. Նիկոլ Փաշինյան
Մեր առաքելությունն է հող դառնալ մեր ժողովրդի ոտքերի տակ, որ նրանք ամուր կանգնեն մեր վրա. Փաշինյան
Ինչպե՞ս դիմավորեցին Նիկոլ Փաշինյանին Ապարանում և ի՞նչ հյուրասիրեցին «Գնթունիք»-ում
