«Ականատես ենք լինում, որ մինչև այս պահը կա խնդիր՝ քարտեզների հետ կապված, և հայկական կողմը պատրաստ է ու, ինչպես հայտարարվել է, մենք կարող ենք մետրերի շեղությամբ ցույց տալ, թե որտեղով է անցնում Հայաստանի ու Ադրբեջանի սահմանը, և ոչ միայն ցույց տալ ինչ-որ երևակայական քարտեզներով, այլ՝ իրենց տակ իրավական հիմք ունեցող քարտեզներով»,- Չեխիայի Պատգամավորների պալատի նախագահի հետ ասուլիսի ժամանակ նշել է ՀՀ ԱԺ նախագահ Ալեն Սիմոնյանը՝ անդրադառնալով հայ-ադրբեջանական սահմանին սահմանազատման հանձնաժողովների հանդիպմանը:

Թարմացված․ Իջևանի և Ղազախի հատվածում սկսվել է Հայաստանի փոխվարչապետ Մհեր Գրիգորյանի և Ադրբեջանի փոխվարչապետ Շահին Մուստաֆաևի հանդիպումը:

Վերջին հանդիպումը տեղի է ունեցել 2023 թվականի նոյեմբերի 30-ին:

Ադրբեջանական լրատվամիջոցները գրում են, որ հայկական կողմը կփոխանցի երեք շրջանի ականապատ դաշտերի քարտեզները: