Հայաստանի առաջին փոխվարչապետ Արարատ Միրզոյանը՝ անդրադառնալով ՀՀ երկրորդ նախագահ Ռոբերտ Քոչարյանի հարցազրույցին իր ֆեյսբուքյան էջում այս գրառումն է արել.
«Այո, մեր իշխանության օրոք Հայաստանի քրեակատարողական հիմնարկներում թախտաբիթիներ չեն լինելու, միայն հանցագործներ»:
Արարատ Միրզոյանը գրել է, որ սա իր միակ մեկնաբանությունն է այդ հարցազրույցի վերաբերյալ:
Հիշեցնենք, որ իր հարցազրույցի ժամանակ ՀՀ երկրորդ նախագահ Ռ. Քոչարյանը հայտարարել էր, որ կալանավորված լինելով՝ ամբողջությամբ իրեն մեկուսացրել են: «Հանկարծ ինձնից մեկ բառ անգամ դուրս չգար, կամ մեկ բառ ինձ չհասներ. թախտաբիթի չկա հաստատ մեկուսարանում»,-ասել էր նա: