Արգենտինայի հավաքականի ավագ Լիոնել Մեսսին ԱԱ 2014-ի կիսաեզրափակիչ Նիդեռլանդների հետ խաղում հաղթանակը նվիրել է իր հայրենակցին՝ լրագրող Խորխե Լոպեսին, որը մահացել է ավտովթարից՝ Բրազիլիայում: Լոպեսը, որն աշխատում էր բարսելոնյան Sport թերթի խմբագրությունում, Մեսսիի ամենասիրելի լրագրողներից մեկն էր.
-Ես ցանկանում եմ գրկել բոլոր արգենտինացիներին և այս հաղթանակը նվիրում եմ իմ ընկեր Խորխե Լոպեսին: Այս հաղթանակը քո համար է, իմ ընկեր, և քո ընտանիքի,- գրել է Մեսսին իր ֆեյսբուքյան էջում:
Հիշեցնենք, որ կիսաեզրափակչում Նիդեռլանդներն ու Արգենտինան այդպես էլ չկարողացան գրավել միմյանց դարպասը և միայն 11 մետրանոցների շնորհիվ Արգենտինան դուրս եկավ եզրափակիչ:
Footballcity.am
