Երեկ մամուլում տեղեկություն էր հրապարակվել, թե Ազգային ժողովի պատգամավոր Մհեր Սեդրակյանը վաճառում է Հայաստանում կարողությունները և պատրաստվում է արտագաղթել ԱՄՆ:
Անձամբ Մհեր Սեդրակյանի հետ կապվել մեզ չհաջողվեց, քանի որ նրա հեռախոսահամարն անհասանելի էր: Նրա օգնական Սերգեյը, սակայն, Aysor.am-ի հետ զրույցում հերքեց այդ տեղեկությունները՝ ասելով, որ իր ղեկավարը չի պատրաստվում հեռանալ երկրից, քանի որ «շատ ա սիրում իր ա երկիրը»:
«Ըտենց բան չկա, ինքը տունը քնած ա ու էդ քայլին գնալու մտադրություն էլ չունի: Ով ինչ հասնի, գրում ա: Խի՞ իրա երկրից գնա, ինքն իրա երկիրը սիրող մարդ ա: Ով, ինչ մոգոնում, գրում ա: Ինքը իրա երկիրը շատ ա սիրում, եթե կուզեք, ժողովրդի հետ հարցազրույց արեք, կտեսնեք, որ ժողովուրդն էլ իրան ա սիրում», - ասաց Սերգեյը:
Նյութը` սկզբնաղբյուր կայքում
