Ռուսաստանը դեռ չի տեսել Հայաստանի վարչապետ Նիկոլ Փաշինյանի առաջարկները՝ Լեռնային Ղարաբաղում ռուսական խաղաղապահ առաքելության մանրամասները հստակեցնելու վերաբերյալ։ Այս մասին լրագրողներին հայտնել է ՌԴ ԱԳ նախարար Սերգեյ Լավրովը:

«Մենք չենք տեսել հստակ առաջարկներ, որոնք Հայաստանի վարչապետը ցանկանում է քննարկել՝ Լեռնային Ղարաբաղում ռուսական խաղաղապահ առաքելության համատեքստում, ուստի հիմա չեմ կարող գուշակել»,- պատասխանել է Լավրովը՝ արձագանքելով Փաշինյանի ելույթին:

Հավելենք, որ «Ռազմինֆո» մասնագիտացված կայքի համակարգող Կարեն Վրթանեսյանն այս առիթով գրել է. «Նիկոլի երեկվա ելույթից հետո այսօր Լավրովն ասել է, որ Ռուսաստանը հայկական կողմից որևէ առաջարկ խաղաղապահների վերաբերյալ չի ստացել։
Աչքիս նույն «ՀԱՊԿ-ին ենք դիմում» թեման է, էն որ նիկոլենք իբր դիմում-դիմում էին, իբր արձագանք չէին ստանում, իսկ հետո պարզվեց, որ այդպես էլ չեն դիմել ՀԱՊԿ-ից իրական գործողություն ենթադրող կետով»: