Այսօր Ամենայն հայոց բանաստեղծ Հովհաննես Թումանյանի ծննդյան 154-ամյակն է
Թումանյանի ստեղծագործություններում մարմնավորված են հայ ժողովրդի հավաքական իմաստնությունն ու հանճարը, նրա տենչերն ու երազանքները:
Թումանյանը գրել է բանաստեղծություններ, պոեմներ, քառյակներ, բալլադներ, պատմվածքներ ու հեքիաթներ, ակնարկներ, քննադատական ու հրապարակախոսական հոդվածներ:
Հայ մեծանուն գրողի ծննդյան առթիվ «Մուրզիլկա» մանկապարտեզի անձնակազմը երեխաների համար կազմակերպել է ցերեկույթ`նվիրված Թումանյանին:
Երեխաները ծանոթացել են մեծանուն գրողի կենսագրությանը, բեմականացրել Թումանյանի հեքիաթները և ճանաչել նրա թողած ստեղծագործությունները:
Փոքրիկներն, իրավամբ, հիանալի են սերտել Թումանյանի հեքիաթներն ու կերտել կերպարները:
