Առողջապահության նախարարից այսքան ժամանակ ոչ ոք լավ բան չի տեսել, վերջին խելահեղ հայտարարությունն էլ, երբ կոշիկն ու դիմակը հավասարեցնում է իրար, այդ դեպքում վարտիքն ու դիմակն էլ թող հավասարեցնի իրար: Այս մասին մամուլի ասուլիսի ժամանակ հայտարարել է ԱԺ պատգամավոր Գևորգ Պետրոսյանը՝ մեկնաբանելով Արսեն Թորոսյանի հայտարարությունը:
«Կոշիկը հավասարեցնում է դիմակին: Դե թող վարտիքն ու դիմակն էլ հավասարեցնի: Այսինքն, ինքը չի տարբերո՞ւմ, թե վարտիքն ինչ է ծածկում, դիմակն ինչ է ծածկում: Դա ի՞նչ ասելու բան է»,-ասել է նա:
Պետրոսյանը խոսքով՝ այսօր Հայաստանի նախագահը, վարչապետը, Առողջապահության նախարարը, պարետը մի անձ է՝ Նիկոլ Փաշինյանը, ով բոլորի ֆունկցիաները վերցրել է իր վրա.
«Փաշինյանը գոնե մեկ անգամ պետք է կարդա Սահմանադրության 6-րդ հոդվածը՝ յուրաքանչյուր պետական մարմին, տեղական ինքնակառավարման մարմին, պաշտոնյա, իրավասու է կատարել միայն այնպիսի գործողություններ ինչի համար լիազորված է Սահմանադրությամբ կամ օրենքներով: Բոլորի ֆունկցիաները վերցրել է իր վրա, բացի իր ֆունկցիայից»:
