Ֆրանսիայի իշխանությունները մեղադրանքներ են ներկայացրել 5 մարդու դեմ, ովքեր կասկածվում են հուլիսի 14-ին Նիցցա քաղաքում տեղի ունեցած և տասնյակ մարդկային կյանքեր խլած ահաբեկչությանը մասնակից լինելու համար:
Ինչպես նշում է gazeta.ru-ն, դատարանի առաջ կյանգնել է 4 տղամարդ և մի կին, որոնց տարիքը տատանվում է 22-40-ի սահմանում: Նրանցից 3-ը մեղադրվում են ահաբեկչական նպատակներով խմբակային մարդասպանություն իրագործման, իսկ 2-ը`ահաբեկիչների հետ կապեր ունենալու ու օրենսդրության խախտման համար:
Աղբյուրը մանրամասնում է, որ դատախազ Ֆրանսուա Մոլինի փոխանցմամբ, ահաբեկչության իրանականցնողն այդ գործողություններին պատրաստվել է մի քանի ամիս և ունեցել է հանցակիցներ:
Հիեցնենք, որ ծագումով թունիսցի Մոհամեդ Բուհլելը, գտնվելով բեռնատարի ղեկին, զիգզագաձև շարժումներով մխրճվել է մարդկային ամբոխի մեջ` խլելով 84 մարդու կյանք:
Ահաբեկչության պատասխանատվությունը ստանձնել է «Իսլամական պետություն» ահաբեկչական խմբավարումը, իսկ ահաբեկիչը սպանվել է իրավապահների կողմից:
