Թվով 6 քաղաքական ուժեր` «Ուժեղ Հայաստան» դաշինքը, «Հայաստան» դաշինքը, ԲՀԿ-ն, ԼՀԿ-ն, ՀԱԿ-ը, ԱԺԲ-ը 2026-ի հունիսի 7-ի ը տրությունների վերաբերյալ արձանագրել են թվով 5 խոշոր խումբ հանդիսացող ֆունդամենտալ ընտրական խախտումներ, դրանցից մի քանիսը նաև այսօր ներկայացվել է ԿԸՀ-ի նիստին: «Նշված ուժերն, ստորագրելով այս հայտարարության տակ, հստակ արձանագրում են, որ ընտրության արդյունքները չեն կարող հիմք հանդիսանալ լեգիտիմ և ժողովրդի մեծամասնության վստահությունը վայելող իշխանության ձևավորման համար: Երկրում իրավիճակի ցանկացած էսկալացիայի ողջ պատասխանատվությունն ամբողջությամբ ընկնում է Նիկոլ Փաշինյանի և նրա վարչախմբի վրա: Մենք շարունակելու ենք գործել բացառապես Սահմանադրությամբ` պաշտպանելով քաղաքացիների ազատ կամարտահայտության իրավունքը և Հայաստանի Հանրապետության պետականության ու ժողովրդավարության հիմնարար արժեքները: Մեր ապագա որոշումներում գործոություններում ելնելու ենք բացառապես այս իրողություններից: Եվ իհարկե տեր ենք կանգնելու յուրաքանչյուր քվեին, որը տրվել է մեզ և արձանագրելու ենք, որ այս մարդիկ այս խմբակը չի հաղթել այս ընտրություններում:
Հետագա գործողությունների մասին լրացուցիչ կտեղեկացնենք, գործողություններ կան, որ անպայման կիրառվելու են, հուսահատ չլինենք, գնում ենք առաջ»,- հայտարարության տեքստը մեջբերեց Ուժեղ Հայաստան» դաշինքի անդամ Արամ Վարդևանյանը:

***

ԿԸՀ-ն պաշտոնապես բաշխեց մանդատները: Ըստ այդմ`

ՔՊ–ն ստանում է 61 մանդատ, «ՈՒժեղ Հայաստան»-ը` 28 մանդատ, «Հայաստան» դաշինքը` 12 մանդատ։

4 ազգային փոքրամասնությունների մանդատներից 3-ը ևս բաժին է հասնում ՔՊ–ին, որի մանդատների թիվը հասնում է 64–ի։ Խոսքը, մասնավորապես, եզդի, ռուս և քուրդ ազգային փոքրամասնությունների մասին է։ Իսկ ասորի ազգային փոքրամասնության մանդատը բաժին է հասնում «Ուժեղ Հայաստանին», որի մանդատների թիվը դառնում է 29։

ԿԸՀ նախագահ Վահագն Հովակիմյանը, ներկայացնելով որոշումը, նշեց, որ որոշումը կարող է բողոքարկվել ՍԴ–ում որոշման հրապարակման օրվանից 5–րդ օրը մինչև ժամը 18:00-ն։