«ԱԺ-ն տվեց իր քաղաքական գնահատականն ու ապացուցեց, որ ինքը կառավարության պատանդը չէ: Աժ-ի վրա, անկախ բոլոր տեսակի գործադրվող միջոցներից, կառավարության փորձը ձախողվեց»,- այս մասին այսօր ԸՕ փոփոխված նախագծի տապալումից հետո լրագրողների հետ ճեպազրույցում ասաց ՀՀԿ խմբակցության պատգամավոր Արմեն Աշոտյանը:
«Միջնաժամկետ պատմական առումով Ն. Փաշինյանը պետք է շատ շնորհակալ լինի ՀՀԿ-ին, որ ցուցաբերեց քաղաքական սկզբունքայնություն, որ թույլ չտվեց, որ ՀՀ-ն նման վայրագ կերպով վերաբերի ԸՕ բարեփոխումներին. ընտրություններից 42 օր շուտ էական փոփոխություններ անելը, ՀՀ-ին հետ կգցեր ժողովրդավարական զարգացումների տեսակետից մինչև ԵԽ անդամ դառնալու ժամանակահատված:
Այդ տեսակետից երեւի փորձի պակասի, ամբիցիաների ավելցուկի հետեւանք է, երեւի էյֆորիան դեռ չի անցել, որ կան գործիչներ, որ քաղաքական գործընթացներին կարող են վերաբերվել որպես լավություն կամ վատություն»,- նշեց Աշոտյանը:
Հիշեցնենք, որ ԱԺ-ն երկրորդ անգամ չընդունեց Ընտրական օրենսգրքի փոփոխությունների փաթեթը, ինչը նշանակում է, որ դեկտեմբերին կայանալիք ընտրությունները տեղի կունենան գործող օրենսգրքով:
