ՀՀ վարչապետ Նիկոլ Փաշինյանի որոշմամբ Վրեժ Գաբրիելյանը նշանակվել է ԱԻՆ փրկարար ծառայության տնօրեն:
«Ղեկավարվելով «Պետական կառավարման համակարգի մարմինների մասին» Հայաստանի Հանրապետության օրենքի 7-րդ հոդվածի 6-րդ մասով.
Վրեժ Գաբրիելյանին նշանակել փրկարար ծառայության տնօրեն»,-ասված է որոշման մեջ:
Հիշեցնենք, որ օրեր առաջ վարչապետի որոշմամբ Փրկարար ծառայության տնօրենի պաշտոնից ազատվել է Արտակ Նահապետյանը, և ժամանակավոր պաշտոնակատար է նշանակվել Փրկարար ծառայության տնօրենի տեղակալ, փ/ծ գեներալ-մայոր Վրեժ Գաբրիելյանը:
Իր հերթին ԱԻ նախարար Ֆելիքս Ցոլակյանը նշել էր, որ Արտակ նահապետյանը աշխատանքի մեջ թերացել էր. «Ամառվա լուրջ հրդեհների ժամանակ անտարբեր է եղել, տեղում չի եղել, Հայաստանում չի եղել: Ուրիշ բաներ էլ են եղել, որոնց մանրամասները չեմ կարող ասել, թե ինչ խոսակցություն է եղել մեր մեջ, ամբիցիաներ եւ այլն»,-ասել էր նախարարը: