Արդեն տեղեկացրել ենք, որ ՀՀ վարչապետ Նիկոլ Փաշինյանը ֆեյսբուքյան ուղիղ եթերով ցույց է տվել կառավարական առանձնատունը, որտեղ ապրում է ընտանիքի հետ՝ ներկայացնելով, թե այնտեղ ինչ վերանորոգման աշխատանքներ են կատարվել և թե դրանց վրա որքան գումար է ծախսվել։
«Նրանք հույս ունեին, որ այս տունը դառնալու է Սերժ Սարգսյանի սեփականությունը, եւ հիմա այնքան էլ երջանիկ չեն, որ սա ոչ միայն Սերժ Սարգսյանի սեփականությունը չէ, այլեւ այստեղ ապրել եւ ապրելու է Հայաստանի վարչապետի ընտանիքը: Ոչ թե իմ ընտանիքը, ոչ թե Փաշինյանների ընտանիքը, այլ ՀՀ վարչապետի ընտանիքը, անկախ նրանից, թե ով կլինի այդ վարչապետը»,-ասել է Նիկոլ Փաշինյանը:
