Սերժ Սարգսյանը հրամանագիր է ստորագրել, որով Նարա Շլեպչյանը եւ Մերուժան Տեր-Գուլանյանը նշանակվել են Հանրային հեռուստառադիոընկերության խորհրդի անդամներ։ Հանձնաժողովը ներկայացված հինգ թեկնածուներից ընտրել է հենց այս երկուսին։ Հանձնաժողովը հիմք է ընդունել հեռուստատեսությունում Նարա Շլեպչյանի եւ Մերուժան Տեր-Գուլանյանի երկարամյա աշխատանքային փորձը, զգալի ներդրումը, լրագրության ոլորտի զարգացման գործում ունեցած ակնառու հաջողություններն ու ձեռքբերումները, ինչպես նաեւ հասարակության լայն շրջանում ունեցած հեղինակությունն ու վստահությունը: