Ղազախստանի հարավում մոլեգնում է ուժգին փոթորիկ: Բնական աղետի հետևանքով Ժամբիլի շրջանի Տարազ քաղաքում երեք մարդ է զոհվել, ևս երեքը հայտնվել են հիվանդանոցում: Տեղի ԶԼՄ-ների փոխանցմամբ՝ փոթորիկը ծառեր է տապալել, պոկել տանիքներ և էլեկտրահաղորդման գծեր: Հաղորդվում է, որ զոհերի թվում երկուսն աշխատավորներ են, մեկը՝ 14-ամյա դպրոցական:
Օդերևութաբաններն ուժեղ քամի են կանխատեսում նաև մայիսի 30-ին: Քամու ուժգնությունը կհասնի 25 մ/վրկ-ի: Բնակիչներին կոչ է արվել հնարավորության դեպքում խուսափել փողոց դուրս գալուց և դուրս չթողնել երեխաներին:
