Քանի դեռ վարչապետ Փաշինյանը հարցնում է, թե ինչո՞ւ է Հայաստանը Doing Business վարկանիշային աղյուսակում նահանջել 6 հորիզոնականով, ես նայում եմ զեկույցը և բարկությամբ հիշում ահազանգերս առ այն, որ շինթույլտվությունների ուշացումը հաշվարկվելու է այս շրջանակներում և բացասաբար ազդելու ՀՀ վարկանիշի վրա: Այս մասին ֆեյսբուքյան իր էջում գրել է Երևանի ավագանու «Լույս» խմբակցության ղեկավար Դավիթ Խաժակյանը։
«Այսպես ստորև բերված պատկերներում կարող եք տեսնել, թե այս տարվա զեկույցում ինչպես է Հայաստանը գահավիժել շինարարական թույլտվությունների տրման հարցում ինչը ի թիվս այլ գործոնների իր էական ազդեցությունն է ունեցել վարկանիշի վրա: Նշեմ, որ այս ցուցանիշը Հայաստանում չափվում է բացառապես Երևանի քաղաքապետարանի կողմից տրված շինթույլտվությունների վրա:
2018թ. (2017)- 89 միավոր
2019թ. (2018)- 98 միավոր
2020թ. (2019)- 62 միավոր
Պարոն Փաշինյան շարունակեք Մարությանին համարել արդյունավետ կառավարիչ, շարունակեք հովանավորել իր ձախողումները և կրե՛ք դրանց հետևանքները»,-նշել է նա:
