Այսօր լրագրողների հետ զրույցում ՀՀ արտաքին գործերի նախարար Զոհրաբ Մնացականյանը, խոսելով վարչապետ Նիկոլ Փաշինյանի և ԱՄՆ նախագահ Դոնալդ Թրամփի հնարավոր հանդիպման մասին, նշել է.
«ՀՀ վարչապետ Նիկոլ Փաշինյանի և ԱՄՆ նախագահ Դոնալդ Թրամփի հանդիպումը կազմակերպելու գործընթացն ընթացքի մեջ է և այն կհասնի իր հանգուցալուծմանը: Մոտ ժամանակներս կլսենք երկու երկրների պաշտոնյաների՝ տարբեր մակարդակների հանդիպումների մասին, որոնք կբերեն այդ հանդիպմանը:
Ներկայումս մենք չենք կարող ասել, որ այսպես հապճեպ այդ հանդիպումը կկայանա»,- ասել է Զոհրաբ Մնացականյանը:
