Երևանի Շառլ Ազնավուրի անվան հրապարակում ընթանում է «Դեմոկրատական այլընտրանք» կուսակցության հրավիրած հանրահավաքը։ Քիչ առաջ ելույթ ունեցավ կուսակցության նախագահ Սուրեն Սուրենյանցը։ Նա Նիկոլ Փաշինյանին անվանեց «պատերազմի խորհրդանիշ»․ «2021-ին նա հայ ժողովրդին խաբել է, ներկայացել է որպես խաղաղության դարաշրջանի մունետիկ՝ քողարկելով մի պարզ իրականություն․ պատերազմի ու մահվան այս խորհրդանիշը վերարտադրվել է՝ խաղաղություն բառը շահագործելով։ Պուտինի նկարի առաջ քծնելով՝ 2021-ին վերարտադրվեց վարչապետի պաշտոնում։ Այն պահին, երբ սկսվեց ռուս-ուկրաինական պատերազմը, իրեն բնորոշ շուստրիությամբ հաշվարկեց, թե իբր ՌԴ-ն պարտություն է կրելու, ու որոշեց փոխել արտաքին քաղաքական վեկտորը։ Ոչ թե Արցախի ղեկավարությունը կամ օտար որևէ երկիր է մեղավոր Արցախի կործանման համար, Արցախը կործանել է հե՛նց Փաշինյանը․ նա որոշեց ՌԴ-ի գրկից թռնել Արևմուտքի գիրկը՝ այդ ճանապարհին գիտակցաբար կործանելով Արցախը։ Բայց Փաշինյանը Արևմուտք չի հասնելու, Պուտինի գրկից հայտնվելու է Ալիևի գրկում ու երկիրը վերածելու է ադրբեջանական ենթապետության»,- հայտարարեց Սուրենյանցը։ «Նիկոլ Փաշինյանն ու իր թիմը հակառուսական ստրիպտիզ են պարում Արևմուտքի մոտ, դրա դիմաց էլ նրանց շպրտեցին 350 մլն դոլար։ Այդ գումարը նրա համար է, որ ինքը միակողմանի զիջումներ անի Ադրբեջանին ու ավելի վատթարացնի հայ-ռուսական հարաբերությունները»,- հավելեց նա։

***

Հայոց լեզվի պատմության ամբիոնի դոցենտ Նարինե Դիլբարյանը ֆեյսբուքյան իր էջում գրել է. «Խաղաղության խաչմերուկը ռազմական շրջափակման փակուղում։ ԵՄ-ն և ԱՄՆ-ն չհամոզեցին (ոչ էլ նպատակ ունեին) Ալիևին։ Մեզ առաջարկվեց դիմակայել առանց հստակ զենքի ու զինուժի տրամադրման ծրագրերի, դրա դիմաց՝
Հայաստան-ԵՄ Գործընկերության նոր օրակարգն ամրապնդելու նպատակով ԵՄ-ն դեռ հանդես կգա «2024-2027 թվականների համար Հայաստանի դիմակայունության և աճի»՝ 270 միլիոն եվրոյի ծրագրով: Իսկ Ալիևը երեկ գիշերն արդեն գնդակոծում էր՝ Տավուշից Գեղարքունիք ամբողջ շփման գծով։ Ամենաապշեցուցիչը ՀՀ ՊՆ գնահատականն էր, թե նպատակային կրակ չէր՝ սադրիչ էր, մենք չեն սադրվել։ Ալիևի «ոչ նպատակային» կրակ դեռ չի եղել, նվաճված տարածքները՝ վկա։ Այո՜, մինչև 24-27-ը դեռ պետք է դիմակայել, հուսամ ոչ բաց ձեռքերով»։

***

Քաղաքագետ Արա Պողոսյանի ֆեյսբուքյան գրառումը․ «Թե ի՞նչ տեղի ունեցավ երեկ Բրյուսելում, կհասկանան քչերը, շա՜տ քչերը, կխոսեն եզակիները, իսկ թե ի՞նչ կլինի հետո` կգիտակցեն առավել քչերը։ Իշխանական և պրոարևմտյան քարոզիչները կփառաբանեն, ռուսական և պրոռուսական քարոզիչները կանիծեն, իսկ իրականությունը Բրյուսելի ու Երևանի համապատասխան շենքերում լո՜ւռ կծխի...
Բայց այդ ամենի ճարտարապետները ենթադրում եմ ամեն ինչ լավ գիտեն։
Ուստի, եթե չգիտեն այնուամենայնիվ, հույս ունեմ այնքան խելք կունենան(կասկածում եմ) որ հավասարակշռեն տարածաշրջանում Հայակական քաղաքականությունը առնվազն Իրանի և Հնդկաստանի հետ ռազմավարական դաշնակցային պայմանագրեր ստորագրեն, կամ առնվազն նման գործընթաց սկսեն։
Ժամանակը աշխատելու է արդեն ի վնաս մեզ, և չտա Աստված, որ ձեր եվրոպական «երազանքները» Հայաստանին դարձնեն տարածաշրջանային մուտանտ` բոլորից մեկուսացված իզգոյ։
Հիմա ժամանակը կաշխատի հօգուտ Ադրբեջանի, որովհետև ձեր ստեղծած իրավիճակը Ռուսաստանին կստիպի Իրանին ևս ներգրավել Հարավային Կովկասում հակաարևմտյան կոալիցիա, որի դեպքում Հայաստանը կկտրվի հարավից հայտնվելով շրջափակված Արցախի Հանրապետության վիճակում։
Իրանի շահերը միշտ չէ, որ կհամընկնեն մեր շահերի հետ` արեւմտյան կուրսի որդեգրման դեպքում և դա կստիպի Իրանին փոխել իր քաղաքականությունը Հարավային Կովկասում...ի վնաս Հայաստանի...»։

***

Երևանի ավագանու «Մայր Հայաստան» խմբակցության անդամ Գևորգ Ստեփանյանի ֆեյսբուքյան գրառումը. «Հայաստանի Հանրապետությունն աշխարհի պատմության մեջ աչքի ընկավ աննախադեպ քայլով։
Միակ պետություն ու ժողովուրդն է, որ պատերազմը տանուլ տված ու պարտված «իշխանությանը» վերընտրեց։
Իսկ հիմա բոլորս անխտիր քաղում ենք դրա պտուղները։
Պարտվածի ու հանձվածի առաջնորդությամբ մենք բոլորս դատապարտված ենք»։

***

ԱԺ նախկին պատգամավոր, իրավաբանական գիտությունների թեկնածու Գևորգ Պետրոսյանը ֆեյսբուքյան իր էջում գրում է. «Հենց հիմա պետք է ձախողակ Նիքոլը հրատապ ասուլիս հրավիրի ու հանրությանը զեկուցի իր վերջին խայտառակ այցի արդյունքները…
Եթե չկա ժողովրդին հաշվետվություն, ուրեմն չկա ժողովրդավարություն…»։