▲ Դեպի վեր

lang.iso lang.iso lang.iso

Պետք է բացահայտվեն այն անձինք, ովքեր դարձել են պարտության պատճառը. Արգիշտի Քյարամյան

Կա հասարակական մեծ պահանջ, որ բացահայտվեն այն անձինք, ովքեր դարձել են պարտության պատճառ, պետք է բացահայտվեն այն հանգամանքները, որոնց արդյունքում մենք պարտվել ենք: Այս մասին Քննչական կոմիտեի կոլեգիայի նիստում ասել է ՔԿ նախագահ Արգիշտի Քյարամյանը՝ անդրադառնալով 44-օրյա պատերազմին:

«Ձեր կատարածի արդյունքում ի վերջո պետք է բացահայտվի այն հանգամանքները, որոնց արդյունքում մենք պարտվել ենք: Դա ոչ միայն մեր, Կառավարության կամ պետության համար է կարեւոր, դա կարեւոր է պատմության, մեր ազգի, ժողովրդի համար»,- նշել է ՔԿ նախագահը:

Նրա խոսքով՝ քննիչները պետք է որոշակի ժամկետային սահմանափակումներ դնեն այդ գործերի քննության հանգամանքում. «Չնայած գործի բարդությանը, շատ մեծ քանակով ապացուցողական գործողություններ կատարելու անհրաժեշտությանը, բայց, այնուամենայնիվ, մենք պետք է որոշակի ժամկետային սահմանափակումներ դնենք այս գործերի քննության հանգամանքում: Պետք է հասկանանք, որ անսահման չի ժամանակը: Այն ակնկալիքները, որ ունի Քննչական կոմիտեն եւ հանրությունն այս գործի քննության ընթացքի վերաբերյալ, պետք է կարճ ժամանակում բավարարվեն»:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին