ՌԴ նախագահ Վլադիմիր Պուտինն այսօր՝ հոկտեմբերի 30-ին, Անվտանգության խորհրդի մշտական անդամների հետ քննարկել է իրավիճակը Լեռնային Ղարաբաղում, Եվրոպայում ահաբեկիչների գործողությունները, ինչպես նաև այլ հարցեր:
Այս մասին հայտնում է ТАСС-ը:
«Քննարկվել Է Անդրկովկասում տիրող իրադրությունը՝ շեշտը դնելով Ղարաբաղում իրավիճակի զարգացման վրա»,- նշել է ՌԴ նախագահի մամուլի քարտուղար Դմիտրի Պեսկովը:
«Մտքեր են փոխանակվել նախօրեին Եվրոպայում տեղի ունեցած ողբերգական իրադարձությունների վերաբերյալ»,- ասել է նախագահի մամուլի քարտուղարը:
«Խորհրդակցության մասնակիցները ևս մեկ անգամ վճռականորեն դատապարտել են ահաբեկչությունն իր բոլոր դրսևորումներով»,- ընդգծել է Պեսկովը: