▲ Դեպի վեր

lang.iso lang.iso lang.iso

«ՌԴ ԱԴԾ սահմանապահների կողմից Սյունիքով անցնող երթուղու նկատմամբ վերահսկողությունն օպտիմալ լուծում կլիներ»․ Զախարովա

ՌԴ ԱԴԾ սահմանապահների կողմից Սյունիքով անցնող երթուղու նկատմամբ վերահսկողությունն օպտիմալ լուծում կլիներ։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«ՀՀ իշխանությունները կողմ են արտահայտվել տարածաշրջանային հաղորդակցությունների բացմանը՝ առաջնորդվելով ինքնիշխանության, իրավասության և փոխադարձության սկզբունքներով։ Ադրբեջանական կողմից ևս նման մոտեցման դեմ առարկություններ չեն եղել։

Այս հարցը մանրամասն քննարկվել է Ռուսաստանի, Ադրբեջանի և Հայաստանի փոխվարչապետների մասնակցությամբ եռակողմ աշխատանքային խմբի շրջանակներում, սակայն ներկայումս գործընթացը կանգ է առել հայկական կողմի դիրքորոշման պատճառով: Ռուս սահմանապահներն առանց այդ էլ գտնվում են Սյունիքի մարզի հարավում, նրանք պաշտպանում են Հայաստանի և Իրանի միջև սահմանը։

Ինչ վերաբերում է ՀՀ իշխանությունների՝ «խաղաղության խաչմերուկ» նախագծին, ապա Մեղրիի կամ այլ երթուղու այլընտրանք չէ: Ավելի շուտ, դա ավելի լայն հեռանկար է տարածաշրջանային և ենթատարածաշրջանային հաղորդակցությունների ապագայի վերաբերյալ»,- ասել է Զախարովան։

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին